ශ්රී ලංකා ප්රජාතන්ත්රික සමාජවාදී ජනරජයේ තානාපති කාර්යාලය, රුමේනියාව
இலங்கை ஜனநாயக சோசலிசக் குடியரசின் தூதரகம், ருமேனியா
Embassy of the Democratic Socialist Republic of Sri Lanka, Romania
විදේශ ගමන් බලපත්ර නිකුත් කිරීම පිළිබඳ සාමාන්ය තොරතුරු
නව විදේශ ගමන් බලපත්ර නිකුත් කිරීමේ අධිකාරිය බත්තරමුල්ලේ ශ්රී ලංකා ආගමන හා විගමන දෙපාර්තමේන්තුව වන අතර නව විදේශ ගමන් බලපත්රයක් සඳහා මුළු සැකසුම් කාලය ආගමන හා විගමන දෙපාර්තමේන්තුවේ පරීක්ෂා කිරීමේ ක්රියාවලිය අනුව වෙනස් වේ. තානාපති කාර්යාලය විසින් ලැබුණු අයදුම්පත් විදේශ කටයුතු අමාත්යාංශය හරහා ආගමන හා විගමන දෙපාර්තමේන්තුවේ විදේශ දූත මණ්ඩල අංශයට යොමු කරයි. නිශ්චිත කාල සීමාවක් තුළ විදේශ ගමන් බලපත්ර නිකුත් කිරීම තානාපති කාර්යාලයට සහතික කළ නොහැක.
ආගමන හා විගමන දෙපාර්තමේන්තුවෙන් නව විදේශ ගමන් බලපත්ර තානාපති කාර්යාලයට ලැබුණු විට, තානාපති කාර්යාලයේ වෙබ් අඩවියේ සහ ෆේස්බුක් පිටුවේ දැන්වීමක් පළ කරනු ලැබේ. දැන්වීමේ යොමු අංකය පමණක් අඩංගු බැවින්, අංක ප්රවේශමෙන් පරීක්ෂා කරන ලෙස අයදුම්කරුවන්ට උපදෙස් දෙනු ලැබේ. අයදුම්කරු වයස අවුරුදු 16 ට අඩු දරුවෙකු නම් අයදුම් කළ දෙමව්පියන්ට විදේශ ගමන් බලපත්රය තානාපති කාර්යාලයෙන් ලබා ගත හැකිය.
සියලුම අයදුම්පත් සමඟ A4 පත්රවල තනි පැත්තේ සාදන ලද සියලුම ලේඛනවල ඡායා පිටපත් ඉදිරිපත් කළ යුතුය.
ලියකියවිලි ලෙස ඉදිරිපත් කරන ලද සහතික/ලේඛන කිසිවක් ශ්රී ලංකාව හැර වෙනත් රටක නිකුත් කර ඇත්නම්, රුමේනියාවේ අදාළ රාජ්ය තාන්ත්රික දූත මණ්ඩලය හෝ සහතිකය නිකුත් කර ඇති රටෙහි ඇති ශ්රී ලංකා තානාපති/මහ කොමසාරිස්/ කොන්සල් ජනරාල් කාර්යාලය විසින් සහතික කරන ලද මුල් සහතිකය / එහි ඉංග්රීසි පරිවර්තනය (මුල් සහතිකය ඉංග්රීසි භාෂාවෙන් නොමැති නම්) මුල් සහතිකය සමඟ ඉදිරිපත් කළ යුතුය. උදාහරණයක් ලෙස යම් ලියවිල්ලක් නිකුත් කර ඇත්තේ ඉතාලි රජය විසින් නම් එවැනි ලියවිල්ලක් රුමේනියාවේ ඇති ඉතාලි තානාපති කාර්යාලය/කොන්සල් ජනරාල් කාර්යාල විසින් හෝ රෝමයේ ශ්රී ලංකා තානාපති කාර්යාලය/මිලානෝහි ශ්රී ලංකා කොන්සල් ජනරාල් කාර්යාලය විසින් සහතික කළ යුතුය.
වත්මන් විදේශ ගමන් බලපත්රය කල් ඉකුත් වීමට පෙර හෝ වීසා අනුමත කිරීම් සඳහා පිටු අවසන් වීමට පෙර තම විදේශ ගමන් බලපත්ර අලුත් කිරීමට අයදුම් කිරීම සඳහා ගමන් බලපත්ර හිමිකරුවන් වග බලා ගත යුතුය.
විදේශ ගමන් බලපත්ර අයදුම්පත් පෞද්ගලිකව ඉදිරිපත් කළ යුතුය.
විදේශ ගමන් බලපත්ර අයදුම්පත අත්සන් කිරීමට නොහැකි බාල වයස්කරුවන් සඳහා, දෙමව්පියන්ට දරුවාගේ නමෙන් කොටසක් අත්සන් කොටුවල ලිවිය හැකිය. (දෙමව්පියන් තම අත්සන තැබීම හෝ දරුවාගේ විදේශ ගමන් බලපත්ර අයදුම්පතේ ඔවුන්ගේ නම ලිවීම නොකළ යුතුය).
අයදුම්කරුගේ ප්රකාශය: අයදුම්කරු ප්රකාශය පුරවා අත්සන් කළ යුතුය. අයදුම්කරුට (බාල වයස්කරුවන්) අත්සන් කිරීමට නොහැකි නම්, මව්පියන්ගෙන් කෙනෙකුට ප්රකාශය අත්සන් කළ හැකිය.
විදේශ ගමන් බලපත්ර අයදුම්පත (K 35A) පිරවීම සඳහා සවිස්තරාත්මක උපදෙස් සහ සියලුම ආකෘති මෙම සබැඳියෙන් බාගත හැකිය.
ගමන් බලපත්ර සඳහා භාර ගනු ලබන ඡායාරූප පහත සඳහන් නියමයන්ට අනුකූල විය යුතුය
- ඡායාරූප මාස 3ක් ඇතුළත ලබා ගත් ඒවා විය යුතුය.
- ඡායාරූපයේ පසුබිම සහ ඇඳුම එකම වර්ණයෙන් නොතිබිය යුතුය.
- කිසිදු වේශ නිරූපණයක් හෝ වෙනත් බලපෑම් නොමැතිව මුහුණ පැහැදිලිව දැකගත හැකි විය යුතුය.
- කන් සහ නළල පැහැදිලිව දැකගත හැකි විය යුතුය.
- ඡායාරූපයෙහි අයදුම්කරුවන්ගේ ඇස් කණ්ණාඩි නොමැති විය යුතුය.
- තොප්පි සහ හිස් ආවරණ පැළඳිය යුතු අයදුම්කරුවන්ට එසේ කළ හැකි නමුත්, ඡායාරූපවල නළල සහ කන් පැහැදිලිව දැකගත හැකි විය යුතුය. හිස් ආවරණ වල සෙවනැලි මුහුණේ පිළිබිඹු නොවිය යුතුය.
ශ්රී ලංකාවට පැමිණීමේදී ජෛවමිතික දත්ත රැස් කිරීමේ ක්රියා පටිපාටිය
2018 ජනවාරි 1 වන දින සිට බලපැවැත්වෙන පරිදි, ශ්රී ලංකා ආගමන හා විගමන දෙපාර්තමේන්තුව විසින් විදේශ ගමන් බලපත්ර අයදුම්කරුවන්ගෙන් ජෛවමිතික (ඇඟිලි සලකුණු සහ ඩිජිටල් මුහුණේ රූපය) එකතු කිරීම අනිවාර්ය කර ඇත.
විදේශයන්හි පිහිටි ශ්රී ලංකා තානාපති/මහ කොමසාරිස්/ කොන්සල් ජනරාල් කාර්යාල හරහා ශ්රී ලංකා විදේශ ගමන් බලපත්රයක් සඳහා අයදුම් කරන වයස අවුරුදු 16-60 අතර සියලුම ශ්රී ලාංකිකයින් ශ්රී ලංකාවට පළමු වරට ඇතුළු වන විට බත්තරමුල්ලේ පිහිටි ආගමන හා විගමන දෙපාර්තමේන්තුවට තම ජෛවමිතික දත්ත ලබා දිය යුතුය. මෙය කළ හැක්කේ බත්තරමුල්ලේ පිහිටි ආගමන හා විගමන දෙපාර්තමේන්තුවේදී පමණක් බවත්, පළමු වරට ඇතුළු වන විට හෝ පිටවන අවස්ථාවේදී ගුවන් තොටුපළේදී ජෛවමිතික දත්ත ලබා දීමට පහසුකම් නොමැති බවත් කරුණාවෙන් සලකන්න.
මෙම අවශ්යතාවය සම්පූර්ණ නොකර, විදේශයන්හි පිහිටි ශ්රී ලංකා ශ්රී ලංකා තානාපති/මහ කොමසාරිස්/ කොන්සල් ජනරාල් කාර්යාල හරහා ලබාගත් විදේශ ගමන් බලපත්රයක් භාවිතා කර රටට ඇතුළු වන අයට නැවත ශ්රී ලංකාවෙන් පිටව යාමට නොහැකි වනු ඇති බව කරුණාවෙන් සලකන්න.
රුමේනියාවේ ශ්රී ලංකා තානාපති කාර්යාලය හරහා නව විදේශ ගමන් බලපත්රයක් නිකුත් කර ඇති අයදුම්කරුවෙකු, නව විදේශ ගමන් බලපත්රය ලබා ගැනීමෙන් පසු පළමු වරට ශ්රී ලංකාවට පැමිණීමේදී පහත ක්රියා පටිපාටිය අනුගමනය කළ යුතුය.
ශ්රී ලංකාවට පැමිණීමේදී ඔබ ප්රධාන ආගමන කවුන්ටරයට හෝ පිවිසුම් තොටුපළේ ප්රධාන ආගමන නිලධාරියා වෙත සෘජුවම වාර්තා කළ යුතුය.
ජෛවමිතික දත්ත රැස් කිරීමේ පද්ධතියෙන් ජනනය කරන ලද ජෛවමිතික දත්ත ලබා ගැනීමේ පෝරමයක් ඔබට අනන්ය යොමු අංකයක් හා මාර්ගෝපදේශ සටහනක් සමඟ නිකුත් කරනු ලැබේ.
එම පෝරමය අනුපිටපතකින් යුතුව පුරවා අත්සන් කර ජෛවමිතික දත්ත රැස් කිරීමේ කවුන්ටරයේ ජ්යෙෂ්ඨ බලයලත් නිලධාරියා වෙත ඉදිරිපත් කරන්න. ජෛවමිතික ලියාපදිංචි කිරීමේදී ආගමන හා විගමන දෙපාර්තමේන්තුවට ඉදිරිපත් කිරීම සඳහා පෝරමයේ එක් පිටපතක් ඔබ වෙත ආපසු දෙනු ලැබේ.
එම පිටපත බත්තරමුල්ලේ ආගමන හා විගමන දෙපාර්තමේන්තුවේ විදේශ දූත මණ්ඩල අංශයට හෝ ප්රාදේශීය කාර්යාලයකට (මාතර/ මහනුවර/ වවුනියාව/ කුරුණෑගල/යාපනය) ඉදිරිපත් කළ යුතුය.
ජෛවමිතික දත්ත ලබා දීමෙන් පසු, එම ක්රියාවලිය සම්පූර්ණ කිරීම තහවුරු කිරීම සඳහා ආගමන හා විගමන දෙපාර්තමේන්තුව ඔබට රිසිට්පතක් නිකුත් කරනු ඇත. ශ්රී ලංකාවෙන් පිටත්ව යන තෙක් එම රිසිට්පත ළඟ තබා ගැනීම සුදුසුය.
ජෛවමිතික දත්ත ලබා දීම වෙනුවෙන් කිසිදු ගෙවීමක් කළ යුතු නැත.
ජෛවමිතික දත්ත ලියාපදිංචි කිරීමේ ක්රියාවලිය සම්පූර්ණ කිරීමට ආසන්න වශයෙන් මිනිත්තු 30-45 ක් ගතවනු ඇත.
මෙම ක්රියාවලිය අවසන් වූ පසු, අයදුම්කරුට ශ්රී ලංකාවෙන් පිටව යාමට පහසුකම් සැලසීම සඳහා පරිගණක පද්ධතිය යාවත්කාලීන කරනු ලැබේ.
1. ඔබ වසර 10 කට පසු ගමන් බලපත්රය කල් ඉකුත් වීම නැතහොත් එහි වීසා පිටු අවසන් වීම නිසා නව විදේශ ගමන් බලපත්රයක් සඳහා අයදුම් කරන්නේද?
එසේ නම්, කරුණාකර පහත ලේඛන ඉදිරිපත් කරන්න.
| අවශ්ය ලිපි ලේඛන | සටහන් | |
|---|---|---|
| 1 | නිසි පරිදි සම්පූර්ණ කරන ලද ගමන් බලපත්ර අයදුම්පත (K35A) | |
| 2 | උප්පැන්න සහතිකයේ මුල් පිටපත සහ ඡායා පිටපතක් | උප්පැන්න සහතිකය මාස 6ක් ඇතුළත ලබාගෙන තිබිය යුතුය. උප්පැන්න සහතිකයක් අවශ්ය අයට ඔවුන් 1960 න් පසු උපත ලබා ඇත්නම් තානාපති කාර්යාලයෙන් ඒ සඳහා ඉල්ලුම් කළ හැකිය. අයදුම්පත් ගාස්තුව රුමේනියානු ලේ 105 කි. |
| දිවුරුම් ප්රකාශය | ||
| 3 | ජාතික හැඳුනුම්පත සහ ඡායා පිටපතක් | |
| 4 | පැරණි ගමන් බලපත්රය සහ එහි 1 සිට 9 දක්වා පිටුවල ඡායා පිටපත් සහ රුමේනියානු වීසා පිටුව | |
| 5 | රුමේනියානු තාවකාලික නේවාසික වීසා කාඩ් පත (TRC ) සහ එහි ඡායා පිටපතක් | |
| 6 | 3.5cm x 4.5cm ප්රමාණයේ වර්ණ ඡායාරූප 3ක් | ඡායාරූප සපුරාලිය යුතු අවශ්යතා සඳහා මින් ඉහත දක්වා ඇති විස්තර කියවන්න |
| 7 | අයදුම්කරු ශ්රී ලංකාවෙන් පිටත උපත ලබා වයස අවුරුදු 21 ට වැඩි නම්, එම අයදුම්කරුවන් ශ්රී ලංකා පුරවැසිභාවය රඳවා ගන්නා බවට තහවුරු කරන දිවුරුම් ප්රකාශයක් ඉදිරිපත් කළ යුතුය. | මෙය ශ්රී ලංකාවෙන් පිටත උපත ලැබූ සහ වයස අවුරුදු 21 ට වැඩි අයදුම්කරුවන් සඳහා පමණක් අදාළ වේ. |
| 8 | ගමන් බලපත්ර අයදුම්පත් ගාස්තුව රුමේනියානු ලේ 730/= | තානාපති කාර්යාලයේදී මුදලින් හෝ තානාපති කාර්යාලයේ නිල බැංකු ගිණුමට ඔන්ලයින් ගෙවීමක් වශයෙන් ගෙවීම් කළ හැකි අතර, අපගේ නිල බැංකු ගිණුමේ විස්තර මෙම සබැඳියේ දක්වා ඇත. ඔබ බැංකුවට ගෙවීම් කිරීමට කැමති නම්, අයදුම්පත භාර දීමට තානාපති කාර්යාලයට පැමිණීමට අවම වශයෙන් දිනකට පෙර එය සිදු කළ යුතුය. නිල බැංකු ගිණුමට කරන ලද ගෙවීම් ආපසු ගෙවිය නොහැකි බැවින්, ගෙවීම සිදු කිරීමට පෙර අයදුම්කරුවන් ඔවුන්ගේ අයදුම්පත තානාපති කාර්යාලයට භාර දීමට අවශ්ය සියලුම ලියකියවිලි ඔවුන් සතුව තිබේදැයි ප්රවේශමෙන් පරීක්ෂා කළ යුතුය. |
2. ඔබ නැතිවූ ගමන් බලපත්රයක් වෙනුවට නව ගමන් බලපත්රයක් සඳහා අයදුම් කරන්නේද?
එසේ නම්, කරුණාකර පහත ලේඛන ඉදිරිපත් කරන්න.
| අවශ්ය ලිපි ලේඛන | සටහන් | |
|---|---|---|
| 1 | නිසි පරිදි සම්පූර්ණ කරන ලද ගමන් බලපත්ර අයදුම්පත (K35A) | |
| 2 | උප්පැන්න සහතිකයේ මුල් පිටපත සහ ඡායා පිටපතක් | උප්පැන්න සහතිකය මාස 6ක් ඇතුළත ලබාගෙන තිබිය යුතුය. උප්පැන්න සහතිකයක් අවශ්ය අයට ඔවුන් 1960 න් පසු උපත ලබා ඇත්නම් තානාපති කාර්යාලයෙන් ඒ සඳහා ඉල්ලුම් කළ හැකිය. අයදුම්පත් ගාස්තුව රුමේනියානු ලේ 105 කි. |
| දිවුරුම් ප්රකාශය | ||
| 3 | ජාතික හැඳුනුම්පත සහ ඡායා පිටපතක් | |
| 4 | පැරණි ගමන් බලපත්රයේ 1 සිට 9 දක්වා පිටුවල ඡායා පිටපත් සහ රුමේනියානු වීසා පිටුව, තිබේනම් | මේවා ඉදිරිපත් නොකළහොත් අමතර මුදලක් ගෙවිය යුතුය. |
| 5 | රුමේනියානු තාවකාලික නේවාසික වීසා කාඩ් පත (TRC) සහ එහි ඡායා පිටපතක් | |
| 6 | ගමන් බලපත්රය නැතිවීම පිළිබඳ පොලිස් වාර්තාව | |
| 7 | 3.5cm x 4.5cm ප්රමාණයේ වර්ණ ඡායාරූප 3ක් | ඡායාරූප සපුරාලිය යුතු අවශ්යතා සඳහා මින් ඉහත දක්වා ඇති විස්තර කියවන්න |
| 8 | අයදුම්කරු ශ්රී ලංකාවෙන් පිටත උපත ලබා වයස අවුරුදු 21 ට වැඩි නම්, එම අයදුම්කරුවන් ශ්රී ලංකා පුරවැසිභාවය රඳවා ගන්නා බවට තහවුරු කරන දිවුරුම් ප්රකාශයක් ඉදිරිපත් කළ යුතුය. | මෙය ශ්රී ලංකාවෙන් පිටත උපත ලැබූ සහ වයස අවුරුදු 21 ට වැඩි අයදුම්කරුවන් සඳහා පමණක් අදාළ වේ. |
| 9 | ගමන් බලපත්ර අයදුම්පත් ගාස්තුව රුමේනියානු ලේ 1,715/= | තානාපති කාර්යාලයේදී මුදලින් හෝ තානාපති කාර්යාලයේ නිල බැංකු ගිණුමට ඔන්ලයින් ගෙවීමක් වශයෙන් ගෙවීම් කළ හැකි අතර, අපගේ නිල බැංකු ගිණුමේ විස්තර මෙම සබැඳියේ දක්වා ඇත. ඔබ බැංකුවට ගෙවීම් කිරීමට කැමති නම්, අයදුම්පත භාර දීමට තානාපති කාර්යාලයට පැමිණීමට අවම වශයෙන් දිනකට පෙර එය සිදු කළ යුතුය. නිල බැංකු ගිණුමට කරන ලද ගෙවීම් ආපසු ගෙවිය නොහැකි බැවින්, ගෙවීම සිදු කිරීමට පෙර අයදුම්කරුවන් ඔවුන්ගේ අයදුම්පත තානාපති කාර්යාලයට භාර දීමට අවශ්ය සියලුම ලියකියවිලි ඔවුන් සතුව තිබේදැයි ප්රවේශමෙන් පරීක්ෂා කළ යුතුය. |
3. ඔබ ගමන් බලපත්රය නැති වීම හේතුවෙන් හෝ වෙනත් හේතුවක් නිසා හෝ ශ්රී ලංකාවට නැවත පැමිණීම සඳහා හදිසි ගමන් බලපත්රයක් සඳහා අයදුම් කරන්නේද?
එසේ නම්, කරුණාකර පහත ලේඛන ඉදිරිපත් කරන්න.
| අවශ්ය ලිපි ලේඛන | සටහන් | |
|---|---|---|
| 1 | හදිසි ගමන් බලපත්රයක් ඉල්ලා ලිපියක් | |
| 2 | නිසි පරිදි සම්පූර්ණ කරන ලද ගමන් බලපත්ර අයදුම්පත (K35A) | |
| 3 | උප්පැන්න සහතිකයේ මුල් පිටපත සහ එහි ඡායා පිටපතක් | උප්පැන්න සහතිකය මාස 6ක් ඇතුළත ලබාගෙන තිබිය යුතුය. උප්පැන්න සහතිකයක් අවශ්ය අයට ඔවුන් 1960 න් පසු උපත ලබා ඇත්නම් තානාපති කාර්යාලයෙන් ඒ සඳහා ඉල්ලුම් කළ හැකිය. අයදුම්පත් ගාස්තුව රුමේනියානු ලේ 105 කි. |
| 4 | පොලිස් වාර්තාව | |
| 5 | දිවුරුම් ප්රකාශය | |
| 6 | රුමේනියානු තාවකාලික නේවාසික වීසා කාඩ් පත (TRC) සහ එහි ඡායා පිටපතක් | |
| 7 | පැමිණිලි පෝරමය | |
| 8 | පැරණි/නැතිවූ ගමන් බලපත්රයේ 1 සිට 9 දක්වා පිටුවල ඡායා පිටපත් සහ රුමේනියානු වීසා පිටුව, තිබේනම් | මේවා ඉදිරිපත් නොකළහොත් අමතර මුදලක් ගෙවිය යුතුය. |
| 9 | ජාතික හැඳුනුම්පත සහ එහි ඡායා පිටපතක් | |
| 10 | ගමන් විස්තර/ගුවන් ටිකට්පත (දින 14කට පෙර) | |
| 11 | 3.5cm x 4.5cm ප්රමාණයේ වර්ණ ඡායාරූප 3ක් | ඡායාරූප සපුරාලිය යුතු අවශ්යතා සඳහා මින් ඉහත දක්වා ඇති විස්තර කියවන්න |
| 11 | ගමන් බලපත්ර අයදුම්පත් ගාස්තුව RON | තානාපති කාර්යාලයේදී මුදලින් හෝ තානාපති කාර්යාලයේ නිල බැංකු ගිණුමට ඔන්ලයින් ගෙවීමක් වශයෙන් ගෙවීම් කළ හැකි අතර, අපගේ නිල බැංකු ගිණුමේ විස්තර මෙම සබැඳියේ දක්වා ඇත. ඔබ බැංකුවට ගෙවීම් කිරීමට කැමති නම්, අයදුම්පත භාර දීමට තානාපති කාර්යාලයට පැමිණීමට අවම වශයෙන් දිනකට පෙර එය සිදු කළ යුතුය. නිල බැංකු ගිණුමට කරන ලද ගෙවීම් ආපසු ගෙවිය නොහැකි බැවින්, ගෙවීම සිදු කිරීමට පෙර අයදුම්කරුවන් ඔවුන්ගේ අයදුම්පත තානාපති කාර්යාලයට භාර දීමට අවශ්ය සියලුම ලියකියවිලි ඔවුන් සතුව තිබේදැයි ප්රවේශමෙන් පරීක්ෂා කළ යුතුය. |
විදේශ ගමන් බලපත්ර සංශෝධනය කිරීම
පහත සඳහන් තත්වයන් යටතේ විදේශ ගමන් බලපත්ර සංශෝධනය කළ හැකිය
විවාහයෙන් පසු කාන්තාවකගේ නම වෙනස් කිරීම
ඉල්ලුම්කරුගේ නම විදේශ ගමන් බලපත්රයේ අසම්පූර්ණ හෝ වැරදි නම්
4. ඔබ විවාහයෙන් පසු විදේශ ගමන් බලපත්රයේ ඔබගේ වාසගම සංශෝධනය කිරීම සඳහා ඉල්ලුම් කරන කාන්තාවක්ද?
එසේ නම්, කරුණාකර පහත ලියකියවිලි ඉදිරිපත් කරන්න. තානාපති කාර්යාලයේදී විදේශ ගමන් බලපත්රයක් සංශෝධනය කළ නොහැකි බවත්, එය වෙනස් කිරීම සඳහා බත්තරමුල්ලේ පිහිටි ශ්රී ලංකා ආගමන හා විගමන දෙපාර්තමේන්තුවට යැවිය යුතු බවත් කරුණාවෙන් සලකන්න.
| අවශ්ය ලිපි ලේඛන | සටහන් | |
|---|---|---|
| 1 | විදේශ ගමන් බලපත්රය සංශෝධනය කිරීම සඳහා නිසි ලෙස සම්පූර්ණ කරන ලද අයදුම්පත (IM37) | |
| 2 | උප්පැන්න සහතිකයේ මුල් පිටපත සහ එහි ඡායා පිටපතක් | උප්පැන්න සහතිකය මාස 6ක් ඇතුළත ලබාගෙන තිබිය යුතුය. උප්පැන්න සහතිකයක් අවශ්ය අයට ඔවුන් 1960 න් පසු උපත ලබා ඇත්නම් තානාපති කාර්යාලයෙන් ඒ සඳහා ඉල්ලුම් කළ හැකිය. අයදුම්පත් ගාස්තුව රුමේනියානු ලේ 105 කි. |
| 3 | ජාතික හැඳුනුම්පත සහ එහි ඡායා පිටපතක් | |
| 4 | පැරණි ගමන් බලපත්රය සහ එහි 1 සිට 9 දක්වා පිටුවල ඡායා පිටපත් | |
| 5 | රුමේනියානු තාවකාලික නේවාසික වීසා කාඩ් පත (TRC) සහ එහි ඡායා පිටපතක් | |
| 6 | විවාහ සහතිකයේ මුල් පිටපත එහි ඡායා පිටපතක් සමඟ | ඉල්ලුම්කරුගේ නම විදේශ ගමන් බලපත්රයේ අසම්පූර්ණ හෝ වැරදි අවස්ථාවක නම සංශෝධනය කිරීම සඳහා ඉල්ලුම් කරන විට විවාහ සහතිකය අවශ්ය නොවේ. |
| 7 | ගමන් බලපත්ර සංශෝධනය කිරීම සඳහා ගාස්තුව රුමේනියානු ලේ .....කි | තානාපති කාර්යාලයේදී මුදලින් හෝ තානාපති කාර්යාලයේ නිල බැංකු ගිණුමට ඔන්ලයින් ගෙවීමක් වශයෙන් ගෙවීම් කළ හැකි අතර, අපගේ නිල බැංකු ගිණුමේ විස්තර මෙම සබැඳියේ දක්වා ඇත. ඔබ බැංකුවට ගෙවීම් කිරීමට කැමති නම්, අයදුම්පත භාර දීමට තානාපති කාර්යාලයට පැමිණීමට අවම වශයෙන් දිනකට පෙර එය සිදු කළ යුතුය. නිල බැංකු ගිණුමට කරන ලද ගෙවීම් ආපසු ගෙවිය නොහැකි බැවින්, ගෙවීම සිදු කිරීමට පෙර අයදුම්කරුවන් ඔවුන්ගේ අයදුම්පත තානාපති කාර්යාලයට භාර දීමට අවශ්ය සියලුම ලියකියවිලි ඔවුන් සතුව තිබේදැයි ප්රවේශමෙන් පරීක්ෂා කළ යුතුය. |
5. ඔබ වයස අවුරුදු 16 ට අඩු බාලවයස්කාර දරුවෙකු සඳහා නව විදේශ ගමන් බලපත්රයක් සඳහා අයදුම් කරන්නේද?
එසේ නම්, කරුණාකර පහත ලේඛන ඉදිරිපත් කරන්න.
| අවශ්ය ලිපි ලේඛන | සටහන් | |
|---|---|---|
| 1 | නිසි පරිදි සම්පූර්ණ කරන ලද ගමන් බලපත්ර අයදුම්පත (K35A) | |
| 2 | උප්පැන්න සහතිකයේ මුල් පිටපත සහ එහි ඡායා පිටපතක් | උප්පැන්න සහතිකය මාස 6ක් ඇතුළත ලබාගෙන තිබිය යුතුය. උප්පැන්න සහතිකයක් අවශ්ය අයට තානාපති කාර්යාලයෙන් ඒ සඳහා ඉල්ලුම් කළ හැකිය. අයදුම්පත් ගාස්තුව රුමේනියානු ලේ 105 කි. |
| 3 | ශ්රී ලංකාවෙන් පිටත උපත ලබා ඇත්නම්, පුරවැසි සහතිකය හෝ පුරවැසිභාවය සඳහා ගෙවීම් කුවිතාන්සිය (පළමු වරට අයදුම් කරන්නේ නම්) | |
| 4 | මව්පියන් දෙදෙනාගේම කැමැත්ත පළ කරන ලිපියක් | |
| 5 | රුමේනියානු තාවකාලික නේවාසික වීසා කාඩ් පත (TRC) සහ එහි ඡායා පිටපතක් | |
| 6 | දෙමාපියන්ගේ වත්මන් ගමන් බලපත්ර, එහි දත්ත පිටුවේ සහ නිරීක්ෂණ/වෙනස් කිරීමේ පිටු වල පිටපත් සමඟ. | |
| 7 | දෙමාපියන්ගේ විවාහ සහතිකය (ඔවුන් විවාහක නම්) | |
| 8 | 3.5cm x 4.5cm ප්රමාණයේ වර්ණ ඡායාරූප 3ක් | ඡායාරූප සපුරාලිය යුතු අවශ්යතා සඳහා මින් ඉහත දක්වා ඇති විස්තර කියවන්න |
| 9 | ගමන් බලපත්ර අයදුම්පත් ගාස්තුව RON 730/= | තානාපති කාර්යාලයේදී මුදලින් හෝ තානාපති කාර්යාලයේ නිල බැංකු ගිණුමට ඔන්ලයින් ගෙවීමක් වශයෙන් ගෙවීම් කළ හැකි අතර, අපගේ නිල බැංකු ගිණුමේ විස්තර මෙම සබැඳියේ දක්වා ඇත. ඔබ බැංකුවට ගෙවීම් කිරීමට කැමති නම්, අයදුම්පත භාර දීමට තානාපති කාර්යාලයට පැමිණීමට අවම වශයෙන් දිනකට පෙර එය සිදු කළ යුතුය. නිල බැංකු ගිණුමට කරන ලද ගෙවීම් ආපසු ගෙවිය නොහැකි බැවින්, ගෙවීම සිදු කිරීමට පෙර අයදුම්කරුවන් ඔවුන්ගේ අයදුම්පත තානාපති කාර්යාලයට භාර දීමට අවශ්ය සියලුම ලියකියවිලි ඔවුන් සතුව තිබේදැයි ප්රවේශමෙන් පරීක්ෂා කළ යුතුය. |
තානාපති කාර්යාලයේ දරුවෙකුගේ උපතක් ලියාපදිංචි කිරීමේදී, තානාපති කාර්යාලයට කිහිප වතාවක් පැමිණීමට වැයවන කාලය ඉතිරි කර ගැනීමට හැකි වන පරිදි, ඒ සමඟම දරුවාට විදේශ ගමන් බලපත්රයක් සඳහාද අයදුම් කරන ලෙස අපි දෙමාපියන්ට උපදෙස් දෙමු. ඒ අනුව, දරුවෙකුගේ උපතක් ලියාපදිංචි කිරීමේදී, ලේඛන 3 ක් ලබා ගැනීම සඳහා අයදුම්පත් ඉදිරිපත් කළ හැකිය. එනම්, කොන්සියුලර් උප්පැන්න සහතිකය සඳහා අයදුම්පත, ශ්රී ලංකා පුරවැසි සහතිකය සඳහා අයදුම්පත සහ විදේශ ගමන් බලපත්රය සඳහා අයදුම්පත යන මේවායි.
විදේශ ගමන් බලපත්ර සඳහා අයදුම් කිරීම සම්බන්ධයෙන් මේ තොරතුරුවලට අමතරව ඔබට තවත් පැහැදිලි කිරීමක් අවශ්ය නම්, කරුණාකර consular.bucharest@mfa.gov.lk විද්යුත් ලිපිනය හරහා විමසීමක් කරන්න.